گەندەڵى ڤایرۆسێکە کوردستان دەکوژێت

اوت 14, 2009 at 9:46 ب.ظ. بیان دیدگاه

که‌یت کلارک: گەندەڵى ڤایرۆسێکە کوردستان دەکوژێ.. دارایى رەسمیش دەچێتە گیرفانى تایبەتەوە

مایکڵ رۆبن: یەکێتیى و پارتى پشت بە ئەندامى بنەماڵە دەبەستن.. عێراق گۆڕاوەو کوردستان چەقى بەستووە

به‌رزانى ئه‌حمه‌د کورده‌: گەندەڵى لە کوردستاندا هەیە بەڵام درۆو دەلەسە ناوەرۆکى راپۆرتەکانى داگیر کردووە.

سه‌رنووسه‌رى هاوڵاتى: مافى هەرکەسێکە لە سامانى بەرپرسە سیاسیەکان بپێچێتەوەو کێشەى تایبەتمان لەگەڵ کەسدا نییە.

پاش ئەوەى لە یەک هەفتەدا دوو بابەت یەک بەدواى یەک لەسەر رەوشى باشورى کوردستان و گەندەڵى بڵاوکرایەوە ،پارەو دارایی سەرکردەکانى کورد بوو بە باسى یەکەمى شەقامى کوردى (کەیت کلارک) پەیامنێرى بى بى سى لە راپۆرتێکدا بە ناوى(گەندەڵى لە کوردستان) دەڵێت:

گەندەڵى ڤایرۆسێکە کوردستان دەکوژێت و بەشێکى زۆرى کوردى عەوام تەنها لەپێناوى مانەوەدا تێدەکۆشن،لەکاتێکدا دارایی رەسمى دەچێتە گیرفانى تایبەتەوە،لەزیندانەکاندا بەبێ پارێزەر دادگایی کردن هەیەو هەزاران زیندانى هەن و زۆربەیان زیندانیی سیاسین راپۆرتى دووەم لەلایەن (مایکل رۆبن)ەوەیە لە ئینستیتوى ئینتەرپرایزى ئەمریکایی بۆ سیاسەتى گشتى ،مایکل هاوپەیمانیی درێژخایەنى ئەمریکاو کورد بە کارێکى ژیرانە نازانێت،لەکاتێکدا عێراق روو لە گۆرانە کوردستان لە جێی خۆیدا چەقى بەستوە،

سەبارەت بە سامانى سەرکردە کوردەکانیش وتویەتى سامانى بارزانیى بە 2 ملیار دۆلار و هى تاڵەبانى بە 400 ملیۆن دۆلار مەزەندە دەکرێت لەکاردانەوەیەکدا لە دژى ئەم راپۆرتە هەریەکە لە سکرتێرى یەکێتى و سەرۆکى پارتى سکاڵایان لە دژى مایکل رۆبن رۆژنامەى هاوڵاتى تۆمارکردوە و راپۆرتەکەیان بە درۆودەلەسە ناوبردوە،لەم بارەیەوە بەرزانى ئەحمد کوردە بەرپرسى مەلبَەندى سلێمانى بە هاوبیرى راگەیاند کە ناوەرۆکى راپۆرتەکەى رۆبن دورە لە راستى سکرتێر ى گشتى مافى خۆیەتى سکاڵا لە دژى تۆمار بکات،سەبارەت بەوەش ئایا ئەمە ئاماژە نیە بە کاڵبوونەوەى هاوپەیمانیی کورد.

ئەمریکا ووتى:ئەو راپۆرتە هیچ پەیوەندیی بە فشاری ئەمریکاوە نیە و تەنها راى تایبەتیە،با رۆبین بە بەڵگەوە ناوى ئەو بانکانە بخاتە روو کە سامانى سەرکردەکانى تێدایە ئەگینا دەچێتە خانەى ناورزاندنەوە، سەبارەت بەوەشى کە ئایا سکاڵا تۆمارکردن لەسە رۆژنامەى هاوڵاتى دژى ئازادیی رادەربرین نیە ،کاک بەرزان ووتى کێشەکە لەوەدایە کە هاوڵاتى لە شێوەى لایەنگیریی مانشێتى سەرەکیی بۆ راپۆرتەکە تەرخان کردوە،لە کاتێکدا بە دەیان راپۆرتى ئیجابی لەسەر گەشەکردنى ئابورى و دیموکراسى لە کوردستاندا بڵاو دەکرێتەوەو هاوڵاتى ئاماژەیا پێ نادات.
هەر لەم بارەیەوە مامۆستا عەبد عارف سەرنووسەرى هاوڵاتى بە هاوبیری راگەیاند کە ئەو سکاڵایانەى لە دژى هاوڵاتى تۆمارکراون دەچنە خانەى دژایەتی ئازادى بیروباوەر،بەپێی ماددەى 433 مافى هەرکەسێکە کە لە سامانى کەسایەتیە گشتیەکان بپرسێتەوە، لەوەڵامى بۆچونەکەى بەرپرسى مەڵبەندى رێکخستنى سلێمانیشدا وتى:

ئێمە لایەنە ئیجابیەکانیشمان خستوەتە روو بەڵام بڵێین چى کە لە وڵاتێکدا دەژین لایەنى سلبى زیاترە ،لە کۆتاییشدا ووتى: دەسەڵات باس لە ئازادى دەکات بەڵام ئێمە رۆژنامەنوسى پرۆفیشناڵین و بێلایەنین،هەرکەس بە رێژەیەک باس لە ئازادى دەکات،بەڵام ئێمە سنورێکى بەرفراوانترمان دەوێت و کێشەمان لەگەڵ کەس نیە.

بانقى ناوەندى و دابەزاندنى بەهاى دۆلار

لەهەولێکدا بۆ بەرگرتن بە گرانى و هەڵاوسان بانقى ناوەندى عێراق بەهاىدۆلارى لە بەرامبەر دینارى عیراقیدا دابەزاندوە بەڵام لەراستیدا ئەم هەنگاوە دولایەنەیە چونکەدابەزینى بەهاى دۆلار رەنگە نرخى ئەو کاڵایانە کەمبکاتەوە کە هاوردەن و بە دۆلار دەکردرێن بەڵام ئەمە لەمەودایەکى دوردا بێبازارى و وەستانى ئابوریى لێدەکەوێتەوە چونکە بوارى سەرمایەگوزارى کەمدەکاتەوە بەمەش بری پارەى دینار لەناوخۆدا کەم دەکاتەوە چونکە سەرمایەگوزارەکان ئامادەنین کەسەرمایەى دراوى قورسى خۆیان بگۆرنەوە بە دینار بەو ئاست نزمەو ئەو توانا کەمەى کرین چونکە لەگەڵ ئەوەشدا کە دینار لە بەرامبەر دۆلاردا بەهێزە بەلاچم تواناى کرینى لە ناوخۆدا هەر لاوازە ئەمەش گرانیی لێکەوتۆتەوە رەنگە ئەم پیشنیازەى دوایی بەلا بردنى سێ سفر لەدینار تۆزێک لەو کێشەیە کەمبکاتەوە لەلایەکى ترەوە بەپەسەندکردنى یەکێک لە مەرجەکانى سندوقى دراوى نێودەوڵەتى بە بەرزکردنەوەى نرخى سوتەمەنى لەبەرامبەربەردەوامبونى کۆمەکى ئەواندا گرفتێکى زیاترى لە ناوخۆدا دروستکردوە لەکاتێکدا کە پرۆژەسازى ئەوەندە لە برەودا نیە بەهۆى ئاژاوەو گەندەڵیەوە.

لە رێکخراوى خۆر ئێزیدى و کاکەیى و مەسیحى و موسڵمان کۆدەبنەوە

رۆژى 20-1-2008 رێکخراوى خۆر کۆنفرانسى دامەزراندنى خۆى سازداو دەستەى کارگێریش هەڵبژێردرا.ئەم رێکخراوە بۆ داکۆکى کردن لەمافى کەمە ئایینیەکانى ترى کوردستان و بە هاناوەچونى زیانلێکەوتوان هاتۆتە ئاراوەو ئامانجى سەقامگیرکردنى پێکەوە ژیانە.بیرۆکەى رێکخراوەکە لە روداوەکانى مانگى ئایارى ساڵى پارەوە سەرچاوەى گرتوە لەپاش کوشتنى دوعاو فتواى لەناوبردنى هەموو ئێزیدیان و قەسابخانەکانى دیر عوزێرو سیبا شێخ خدر،سەرەتا کۆمیتەیەک بۆ بەرگریکردن لە ماف و ژیانى یەزیدیەکان هاتە کایەوە،دواتر بۆ رێکخراوى خۆر پەرەى سەند،بەرێز ئەنوەر عەزیز کاکەییکە یەکێکە لە ئەندامانى کۆنفرانسەکە بە هاوبیرى راگەیاند کە رێکخراوەکەیان لە پێناوى پێکەوە ژیانى گروپە ئاینیە جیاحیاکانى کوردستان هاتۆتە کایەوە هەروەها بۆ پاراستنى ماف و ژیانى ئەو گروپانەش کە زۆربەیان لە دەرەوەى سنورى حکومەتى هەرێمى کوردستاندان و لەبەردەم هەرەشەدان تائێستا بە سەدان ئێزیدى کوژراون و کاکەییەکانیش لە بارودۆخێکى نالەباردا دەژین.

چین کتێبەکانى خوێندنى کوردستان چاپ دەکات

بەم دواییە مستر (وو) بەنوینەرایەتی کۆمپانیایەکى بوارى پەروەردەى چینى سەردانى وەزارەتى پەروەردەى هەرێمى کوردستانى کردوەو بریاردراوە کە کتیبەکانى خوێندنى کوردستان بە کوالیتیەکى بەرز لە کۆمارى چین چاپ بکرێت بەڵام ئەوەى جێی سەرنجە خودى ئەو بەرنامانەى خوێندنە کە هی 20-30 ساڵ لەمەو بەرن و وەزارەتى پەروەردەى هەرێم تائێستا تواناى گۆرین و دانانى پرۆگرامەکانى خوێدنى نیە تەنانەت تائێستا نەیتوانیوە بەنامەى خوێندنى هەر سێ پارێزگاکە یەک بخات کە هەریەکەیان بە جۆرێکە شایەنى باسە لە ماوەى 16 ساڵى رابوردودا زۆربەى کتێب و مەلزەمەکان لە دەرەوەى وەزارەتى پەروەردە چاپکراون و تا ساڵى 2003 برێک لەء کتێبانە لە بەغداوە دەهاتن بەو مەرجەى وینەى سەدامیان پێوە بێت ئەنجومەنى پارێزگاى کەرکوک: داننان بە خوێندنى کراوە دەخاتە دەنگدانەوە و بەرگرى لە زانکۆى سانتکلیمینتس دەکات سەرچاوەیەک لە ئەنجومەنى پارێزگاى کەرکوک پێی راگەیاندین کە ئەنجومەنى پارێزگاى کەرکوک لەم هەفتەیەدا داننان بە بە خوێندنى کراوە دەخاتە دەنگدانەوە،هەروەها داواشیان کردوە کە سیستمى خوێندنى کراوە لە دەستوردا تۆماربکرێت، ئەنجومەنى پارێزگاى کەرکوک لەلاى خۆیەوە ئەم سیستمەى خوێندن دەخاتە دەنگدانەوە تا بەرەسمى لە کەرکوک بناسرێت تا وادەى ئەوە دێت لە دەستوردا تۆماربکرێت،شایەنى باسە ئەم زانکۆیە لە سنورى هەرێمى کوردستان دژایەتى کراو نوسینگەکانیشى داخران لە کاتێکدا کە ژمارەى خوێندکارەکانى دەگاتە 2500 سەبارەت بە شێوازى چارەسەرکردنى کێشەى ئەو خوێندکارانە خاتوو رۆشنا نوێنەرى خوێنکارانى ئەو زانکۆیە بە هاوبیری راگەیاند کە وەزارەتى خوێندنى باڵاى هەرێمى کورستان شێوازێکى نەشیاوى بۆ چارەسەرى ئەم کێشەیەپەیرەو کردوە و تەنیا 174 خوێندکاریان لە کوردستان وەرگرتوە ئەیش لەبەر ئەوەى کە زۆربەى ئەو خوێندکارانە ئامادە نین بگەرێنەوە قۆناغى یەکەمى خوێندن یا واز لەو بەشە بهێنن کە لە زانکۆکانى هەرێمدا نیە، بەختیار عوبێد سەرپەرشتیارى زانکۆ لە کوردستان لە وەڵامى پرسیارێکى هاوبیردا ووتى کە ئیدارەى زانکۆکەمان پشتگیریی بۆ 600 خوێندکارى بەکالۆریۆس و ماستەرو دکتۆرا کردوە بەڵام زۆربەیان ناویان لەو لیستەدا نیە کە لە لایەن ناوەندى وەرگرتنى قوتابیانى وەزارەتى خوێندنى باڵاوە ئامادەکراوەوبەم شێوەیە دەرکەوت کە وەزارەتى خوێندنى باڵاش چارەسەرى گونجاوى بۆ 2500 خۆیندکارى زانکۆ نیەو تەنها چارەسەر ئەوەیە کەسیستمى خوێدنى کراوە لە کوردستاندا پەیرەو بکرێت وەک چۆن لە بەشەکانى ترى عیراقدا ئەم سیستمە هیچ گرفتێکى نیە

مەلا محەمەد ئەمین جەمیل موفتى: پێغەمبەرى ئیسلام محەمەد (د.خ) بە رەچەڵەک کورده‌

سەرۆکى لقى سلێمانى یەکێتیى زانایانى ئیسلام حاجى محەمەد ئەمین موفتى، لە لێدوانێکى بۆ رۆژنامەى (هاوبیر) وتى پێغەمبەرى ئیسلام محەمەد (ێ) بە رەچەڵەک کوردە پاش بڵاوبوونەوەى وتارێک لە رۆژنامەى (ئەلعەرەبیە) کە لە بەغدا دەردەچێء باسى ئەوە دەکات کە نووسەرێکى کورد بەناوى حاکم مستەفا موختار کتێبێکى بە زمانى عەرەبى بەناونیشانى (ئومە ئەلکورد) بڵاو کردۆتەوە لە پەراوێزێکدا ئاماژە بە کورد بوونى پێغەمبەرى ئیسلام دەکات، ئەو وتارەى (ئەلعەرەبیە) ئەو زانیاریانە بە درۆ دەزانێء سەرلەبەرى وتارەکەش هێرشى ناڕەوایە بۆ کورد.. ئێمەش بە باشمان زانى بۆ قسەکردن لەسەر رەچەڵەکى پێغەمبەر پەیوەندى بە مامۆستا مەلا محەمەدەوە بکەینء بەڕێزیشى وتى: من دەمێکە لەو بارەیەوە خەریکى لێکۆڵینەوەم. پێغەمبەر (د. خ) دەفەرموێت من خوا هەڵیبژاردوم لە نەوەى ئیسماعیل کوڕى برایم، سەرچاوە ئیسلامیەکانیش هەر هەموویان ئاماژە بەوە دەکەن کە حەزرەتى ئیسماعیل عەرەب نەبووەو لە عەرەبە قەحتانیەکانەوە فێرى زمانى عەرەبى بووە، تێکەڵاویان بووەو ژنى لێخواستوون چونکە بە هاتنى ئیسماعیلء هاجەر ئاوى زەمزەم هەڵقوڵاوەو مەکە ئاوەدان بۆتەوە، هەروەها وتى: ئیسماعیل کوڕى حەزرەتى ئیبراهیمەو لە گوندێک لە بێتواتە لەدایک بووە، هیچ فەرموودەیەک نییە ئەوە نەسەلمێنێ کە پێغەمبەر ناچێتە سەر رەچەڵەکى ئیبراهیم، سەلماویشە حەزرەتى ئیبراهیم کوردە، تا ئێستاش چەند زاراوەیەکى کوردى لە زمانى قوڕەیشدا ماوەتەوە، وەک زەرابى لەژێر پێوە هاتووە، مەکەش لە ماکەوە هاتووە ماناى دایک، ناوى قوڕەیش بۆ خۆى لە قوڕەشینەوە هاتووە، هەروەها ژەم ژەم بووە بە زەم زەم. سەبارەت بە ناوى هەندێ مزگەوت کە ناوى عەرەبى زەقى لێنراوە وەک قدس/ عومەرى کوڕى خەتاب/ عەتە بە کوڕى نافع بەڕَێزى وتى لە حەجى ئەمساڵمدا ناوى هەندێ مزگەوتم بینى وەک (کەبش) بەناوى قوربانیەکەى حەزرەتى ئیسماعیل، هەروەها (مسجدى ئەلسەخرە) ناوى بەردەکانى کێوى عەرەفەوەیە، لە کوردستانیش هەروا بووە ناوى مزگەوتەکانمان یان بەناوى شوێنى مزگەوتەکە بووە یان ناوى شاعیرێکى کورد یان بەلەقەبێکى کوردى بووە وەک مزگەوتى پیرەمەگرون، مەولەوى، دوو دەرگا، قامیشان..هتد. بەڵام بەداخەوە ئەمڕۆ ناوى دەرکى لەملاو لەولاوە دەهێنن کە زیاتر ئەحزابى ئیسلامى ناسیونالیستى عەرەبى ئەم مۆدێلانەیان هێنایە ناومان، ئەو ناوانە با پیرۆزیش بن بەڵام نابێ ناوى مزگەوتەکانمان خۆماڵىء کوردى بن.
———-
بابەتی لاپەڕە یەکی ژمارە ٢٨ کانوونی دووه‌م ٢٠٠٨

Entry filed under: Uncategorized. Tags: .

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s

Trackback this post  |  Subscribe to the comments via RSS Feed


گاه‌شمار

اوت 2009
M T W T F S S
     
 12
3456789
10111213141516
17181920212223
24252627282930
31  

Most Recent Posts


%d وب‌نوشت‌نویس این را دوست دارند: