اوت 15, 2009 at 8:34 ق.ظ. بیان دیدگاه

کێ بەڕاستى شایانى دەوڵەتە، کورد یا فەلەستین؟
ڤیکتۆر شارپ و.: ئەفشین ئیسماعیلى

22 وڵاتى عه‌‌ره‌‌ب که‌‌وتوونه‌‌ته‌‌ رۆژهه‌‌ڵاتى ناوه‌‌رٍاست و باکوورى ئه‌‌فریقا. وڵاتێکى ترى عه‌‌ره‌‌ب له‌‌نێوان ده‌‌ریاى ناوه‌‌راست و رووبارى ئه‌‌رده‌‌ن دروستکراوه‌‌. ئیسرائیل وڵاتیکه‌‌ له‌‌ وڵاتى وێلز گه‌‌وره‌‌تر نییه‌‌، ئایا ناچارین ئه‌‌م وڵاته‌‌ له‌‌گه‌‌ل کیانێکى دوژمنى عه‌‌ره‌‌ب به‌‌ناوى فه‌‌له‌‌ستین به‌‌ش بکه‌‌ین.
عه‌‌ره‌‌به‌‌کان پێویستیان به‌‌ ده‌‌وڵه‌‌تێکى تر نییه‌‌. زه‌‌وییه‌‌ پێکه‌‌وه‌‌لکاوه‌‌که‌‌یان له‌‌ زیاتر له‌‌ 5500000 مایل چوارگۆشه‌‌ پێک دێت، ئه‌‌مه‌‌ رووبه‌‌رێکه‌‌ که‌‌ گه‌‌وره‌‌تره‌‌ له‌‌ ویلایه‌‌ته‌‌ یه‌‌کگرتووه‌‌کانى ئه‌‌مه‌‌ریکا. سه‌‌یرى شته‌‌که‌‌ له‌‌مه‌‌دایه‌‌ که‌‌ عه‌‌ره‌‌به‌‌کان خۆیان ناوى فه‌‌له‌‌ستین ره‌‌د ده‌‌که‌‌نه‌‌وه‌‌ وه‌‌کو ئه‌‌وه‌‌ی که‌‌ له‌‌لایه‌‌ن زایۆنیسته‌‌کانه‌‌وه‌‌ داهێنرابێت و به‌‌نرخیش نییه‌‌ بۆ عه‌‌ره‌‌به‌‌کان بۆ ئه‌‌وه‌‌ى به‌‌ ئاسانى ببێته‌‌ به‌‌شێک له‌‌ نه‌‌ته‌‌وه‌‌ى عه‌‌ره‌‌ب یان هه‌‌روه‌‌کو زۆربه‌‌یان ده‌‌ڵێن دانیشتوانى باشوورى سوریا.

له‌‌راستیدا خه‌‌ڵکانێک هه‌‌ن وه‌‌کو جوله‌‌که‌‌کان که‌‌ شایه‌‌تى بوونى وڵاتى خۆیان و له‌‌راستیدا داب و نه‌‌ریتى باب و باپیرانیان ده‌‌گه‌‌رێته‌‌وه‌‌ بۆ هه‌‌زاران سال له‌‌مه‌‌وپێش. ئه‌‌وه‌‌ کورده‌‌ ئه‌‌وه‌‌ کورده‌‌ که‌‌ شایانى ده‌‌وڵه‌‌ته‌‌و شتێکى سه‌‌رنج راکێشیشه‌‌ که‌‌چاوێک به‌‌ مێژووى ئه‌‌وان له‌‌ په‌‌یوه‌‌ندى له‌‌ گه‌‌ل یه‌‌هوودیه‌‌کان دا بخشێنینه‌‌وه‌‌. هه‌‌روه‌‌ها پێویسته‌‌ چاوێکیش به‌‌و نادادپه‌‌روه‌‌رییه‌‌ مێژووییانه‌‌دا بخشێنینه‌‌وه‌‌ که‌‌ له‌‌لایه‌‌ن ده‌‌وڵه‌‌ته‌‌ دراوسێیه‌‌کانیه‌‌وه‌‌ له‌‌ماوه‌‌ى چه‌‌ند سه‌‌ده‌‌یه‌‌کدا به‌‌سه‌‌ریاندا سه‌‌پاوه‌‌.

با بگه‌‌رَیینه‌‌وه‌‌ بۆ گیرانى ده‌‌ هۆزى ئیسرائیلى که‌‌ وڵاته‌‌که‌‌یان به‌‌هۆى ئاشوورییه‌‌کانه‌‌وه‌‌ له‌‌ 715 تا 721ى پێش زایین داگیرکرابوو. به‌‌پێى کتێبى پێرۆزى ئیسرائیلیه‌‌کان دانیشتووه‌‌ جووله‌‌که‌‌کان بۆ ناوچه‌‌یه‌‌کى کۆنى میدیا و ئاشوورییه‌‌کان که‌‌ ده‌‌کاته‌‌ ئێستاى کوردستان گواستراونه‌‌ته‌‌وه‌‌.
بابلییه‌‌کان به‌‌سه‌‌ر ئاشوورییه‌‌کاندا سه‌‌رکه‌‌وتن، که‌‌ ئه‌‌مه‌‌ش له‌‌ کۆتایدا بووه‌‌ هۆى تێکشکاندنى پاشایه‌‌تى جووله‌‌که‌‌ له‌‌ جه‌‌دده‌‌. پاشماوه‌‌ى دوو هۆزى جووله‌‌که‌‌یان ره‌‌وانه‌‌ى ناوچه‌‌یه‌‌کى پڕ له‌‌ جووله‌‌که‌‌ کرد.
کاتێک فارسه‌‌کان بابلییه‌‌کانیان شکاند، کوروشى گه‌‌وره‌‌ رێگه‌‌ى به‌‌ جووله‌‌که‌‌کان دا بگه‌‌ڕێنه‌‌وه‌‌ بۆ زه‌‌وى باب و باپیرانیان، به‌‌شێکى زۆر له‌‌ جووله‌‌که‌‌کان له‌‌گه‌‌ل بابلییه‌‌کان مانه‌‌وه‌‌ و به‌‌رده‌‌وام بوون له‌‌سه‌‌ر ئه‌‌م ژیانه‌‌ ـ ئه‌‌م ناوچه‌‌یه‌‌ به‌‌شێکى کوردستانى ئه‌‌مرۆکه‌‌یه‌‌.

له‌‌سه‌‌ره‌‌تاى سه‌‌ده‌‌ى 2 دا، یه‌‌هودیه‌‌ت به‌‌ پته‌‌وى له‌‌ کوردستان دامه‌‌زرا و جووله‌‌که‌‌کانى کوردستان ئه‌‌مرۆکه‌‌ به‌‌ زمانى کۆنى ئارامیک له‌‌ ماله‌‌کانى خۆیان قسه‌‌ده‌‌که‌‌ن. ژیانى کورد و جووله‌‌که‌‌ ئه‌‌وه‌‌نده‌‌ تێکه‌‌ڵاو بووه‌‌، به‌‌جۆرێک که‌‌ زۆربه‌‌ى چیرۆکه‌‌کانى کوردى په‌‌یوه‌‌ندى به‌‌ جووله‌‌که‌‌وه‌‌ هه‌‌یه‌‌.
ئه‌‌مه‌‌ش شتێکى سه‌‌رنج راکێشه‌‌ که‌‌ تێبینى ئه‌‌وه‌‌ بکه‌‌ین که‌‌ زۆربه‌‌ى گۆرى پێغه‌‌مبه‌‌ره‌‌کانى جووله‌‌که‌‌ له‌‌ نزیک کوردستانن. بۆ نموونه‌‌، ناحووم له‌‌ ئه‌‌لیکوشه‌‌، یونس له‌‌ نه‌‌بى یونسه‌‌، که‌‌ نه‌‌ینه‌‌واى کۆنه‌‌. گۆرى دانیال له‌‌ پارێزگاى که‌‌رکووکه‌‌، حه‌‌بابووک له‌‌ توى سیرکانه‌‌ و شازاده‌‌ حه‌‌ده‌‌س یا ئستیر له‌‌گه‌‌ل خاڵى مودرخاى له‌‌ هه‌‌مه‌‌دانه‌‌.
پاش شکستهێنانى شۆرش دژى رۆم، زۆربه‌‌ى زانا جووله‌‌که‌‌کان له‌‌ کوردستان بوونه‌‌ په‌‌نابه‌‌ر. کورد و جووله‌‌که‌‌ به‌‌ یه‌‌که‌‌وه‌‌ ده‌‌ژیان تاکو موسلمانه‌‌ عه‌‌ره‌‌به‌‌کان ناوچه‌‌که‌‌یان داگیرکرد. ماوه‌‌یه‌‌کى کورت پاش سه‌‌رکه‌‌وتنى عه‌‌ره‌‌ب، جووله‌‌که‌‌کان له‌‌ هه‌‌رێمى ئۆتۆنۆمى جووله‌‌که‌‌ له‌‌ هیمیار که‌‌ سعودیاى ئه‌‌مرۆکه‌‌یه‌‌، له‌‌گه‌‌ل جووله‌‌که‌‌کانى کوردستان یه‌‌کیان گرته‌‌وه‌‌. هه‌‌رچه‌‌نده‌‌ له‌‌ژێر ده‌‌سه‌‌ڵاتى عه‌‌ره‌‌ب مه‌‌سه‌‌له‌‌کان خراپتربوون و جووله‌‌که‌‌کانیان ئازار ده‌‌دا. جووله‌‌که‌‌ زه‌‌وییه‌‌ کشتوکاڵییه‌‌کانیان جێهیشت به‌‌هۆى ئه‌‌و باجه‌‌ زۆره‌‌ى که‌‌ عه‌‌ره‌‌به‌‌کان له‌‌سه‌‌ریان دانابوون. ئه‌‌وان بوون به‌‌ بازرگان و هونه‌‌رمه‌‌ند له‌‌و شارانه‌‌دا.

له‌‌ناو ئه‌‌و دانیشتوانه‌‌دا گه‌‌لێک که‌‌سى به‌‌ناوبانگ هه‌‌ڵکه‌‌وت. له‌‌ساڵى 1138کورێک له‌‌ناو بنه‌‌ماڵه‌‌یه‌‌کى جه‌‌نگاوه‌‌رى کورددا له‌‌دایک بوو، ناوى سه‌‌لاحه‌‌دین یوسف کورى ئه‌‌یوب بوو. که‌‌ له‌‌ رۆژئاوادا به‌‌ سه‌‌لاحه‌‌دین ناسراوه‌‌. ئه‌‌و خاچپه‌‌ر‌‌سته‌‌ مه‌‌سیحیه‌‌کانى له‌‌ قودس به‌‌ده‌‌رنا و ئه‌‌و له‌‌ناو عه‌‌ره‌‌بدا زۆر باوه‌‌رى پێنه‌‌ده‌‌کرا چونکه‌‌ کورد بوو. سه‌‌لاحه‌‌دین له‌‌شه‌‌ر و ئاشتیدا دادوه‌‌رى و پێوانه‌‌ى مرۆڤانه‌‌ى په‌‌یره‌‌و ده‌‌کرد، له‌‌به‌‌رامبه‌‌ر ئه‌‌و رێگا نه‌‌شیاوانه‌‌ى که‌‌ عه‌‌ره‌‌ب په‌‌یره‌‌ویان ده‌‌کرد.ئه‌‌و یارمه‌‌تى پێشکه‌‌وتنى جووله‌‌که‌‌کانى له‌‌ قودس دا، یه‌‌کێک له‌‌ کاره‌‌کانى دۆزینه‌‌وه‌‌ى دیوارى رۆژئاواى په‌‌رستگاى جووله‌‌که‌‌کان بوو که‌‌ له‌‌ژێر چه‌‌ندین ته‌‌ن خاک خۆلدابوو له‌‌سه‌‌رده‌‌مى داگیرکارى مه‌‌سیحیه‌‌کاندا.

گرووپى زانستى نێوده‌‌وڵه‌‌تى له‌‌ساڵى 2001 له‌‌ لێکۆلینه‌‌وه‌‌DNA دا بۆیان ده‌‌رکه‌‌وت که‌‌ جووله‌‌که‌‌کان په‌‌یوه‌‌ندییه‌‌کى نزیکى جینیان له‌‌گه‌‌ل دانیشتووه‌‌ کورد و ئه‌‌رمه‌‌نیه‌‌کان هه‌‌یه‌‌ تاکو عه‌‌ره‌‌ب و بۆدینیس.
با بێینه‌‌ سه‌‌ر ئێستا و بزانین بۆچى جیهان بانگه‌‌شه‌‌ بۆ ده‌‌وڵه‌‌تى فه‌‌له‌‌ستین ده‌‌کات، به‌‌ڵام به‌‌ ده‌‌گمه‌‌ن روو له‌‌ سه‌‌ربه‌‌خۆیى و ده‌‌وڵه‌‌تى کوردى ده‌‌کات. جیهان ئه‌‌م بریارانه‌‌ به‌‌سه‌‌ر کورددا نادات. له‌‌ وتارێکداکه‌‌ له‌‌ 6 ته‌‌مموزى 2004 له‌‌ نیویۆرک سه‌‌ن به‌‌ناوى شازى ده‌‌وڵه‌‌تى کوردى، هیلیل هیلکین ئاماژه‌‌ به‌‌ ئه‌‌و جیاوازیانه‌‌ ده‌‌کات که‌‌ دژى هیواى ده‌‌وڵه‌‌تى کوردى کارده‌‌که‌‌ن. ئه‌‌و ده‌‌نووسێت : نادادوه‌‌رى مێژوویى له‌‌گه‌‌ل ئه‌‌وان کراوه‌‌ و ئازارو ئه‌‌شکه‌‌نجه‌‌کانى ئه‌‌وان بۆ ماوه‌‌ى چه‌‌ندین سال ده‌‌توانرێت به‌‌ته‌‌واوى قه‌‌ره‌‌بوو بکرێته‌‌وه‌‌ له‌‌ چوارچێوه‌‌ى ئێراقێکى فیدراڵدا، به‌‌جۆرێک ئه‌‌وان ده‌‌بآ به‌‌م شێوه‌‌یه‌‌ کاربکه‌‌ن که‌‌ حکومه‌‌تى ناوه‌‌ندى رازى بکه‌‌ن. ده‌‌وڵه‌‌تى ته‌‌واوى کوردستان شتێکه‌‌ باوه‌‌ڕ ناکرێت.

درنده‌‌یى راستى له‌‌ سیاسه‌‌تى راسته‌‌قینه‌‌دا ئه‌‌وه‌‌یه‌‌که‌‌ عه‌‌ره‌‌به‌‌کان که‌‌ بانگه‌‌شه‌‌ى ئه‌‌وه‌‌ده‌‌که‌‌ن که‌‌ فه‌‌له‌‌ستینیه‌‌کان گه‌‌لێک دۆستیان هه‌‌یه‌‌ له‌‌ جیهانى پرنه‌‌وتى عه‌‌ره‌‌بدا. کوردیش وه‌‌کو جووله‌‌که‌‌ن، دۆستى که‌‌میان هه‌‌یه‌‌ و کاریگه‌‌رییه‌‌کى ئه‌‌وتویان نییه‌‌ له‌‌ رێره‌‌وى نێوده‌‌وڵه‌‌تى ده‌‌سه‌‌ڵاتدا.
هالکین ئاماژه‌‌ى به‌‌وه‌‌کرد که‌‌: دۆخى کورد بۆ به‌‌ده‌‌وڵه‌‌ت بوون زۆر له‌‌ فه‌‌له‌‌سه‌‌تینه‌‌کان باشتره‌‌. ئه‌‌وان زمان و کلتوورى یه‌‌کگرتووى خۆیان هه‌‌یه‌‌، که‌‌ فه‌‌له‌‌ستینیه‌‌کان نیانه. ئه‌‌وان هه‌‌ستى تایبه‌‌ت به‌‌خۆیان هه‌‌یه‌‌ سه‌‌باره‌‌ت به‌‌ناوچه‌‌یه‌‌ک که‌‌ بۆ چه‌‌ندین سه‌‌ده‌‌یه‌‌ هه‌‌یه‌‌،له‌‌کاتیکدا فه‌‌له‌‌ستینیه‌‌کان نیانه‌‌. ئه‌‌وان چه‌‌ندین جار له‌‌ماوه‌‌ى سه‌‌د ساڵى رابردوودا له‌‌ کۆمه‌‌ڵگا نێوده‌‌وڵه‌‌تیدا خه‌‌یانه‌‌تیان لێکراوه‌‌، له‌‌کاتێکدا فه‌‌له‌‌ستین ته‌‌نیا عه‌‌ره‌‌به‌‌ هاورێیه‌‌کانى خه‌‌یانه تیان پێکردووه‌‌.

له‌‌ماوه‌‌ى ده‌‌سه‌‌ڵاتى زۆردارى سه‌‌دام حوسێن، کورد تووشى کیمیاباران و کوشت و کوشتار بوو. ئه‌‌وان به‌‌هۆى پاکتاوى ره‌‌گه‌‌زییوه‌‌ ده‌‌ناڵێنن که‌‌ لایه‌‌ن تورکه‌‌وه‌‌ ده‌‌رهه‌‌قیان ده‌‌کرێت. به‌‌پێى بناغه‌‌ه‌ى سیاسه‌‌تى راسته‌‌قینه‌‌ و روون، کورد زۆر له‌‌ عه‌‌ره‌‌به‌‌ فه‌‌له‌‌ستینیه‌‌کان یاسایى تر و به‌‌ ئه‌‌خلاقترن.
سه‌‌رۆک بۆش چه‌‌ندین جار بانگه‌‌شه‌‌ بۆ کۆنفرانسى نێوده‌‌وڵه‌‌تى کردوو به‌‌مه‌‌به‌‌ستى خێراترکردنى دروستکردنى ده‌‌وڵه‌‌تێکى عه‌‌ره‌‌بى تر، که‌‌ من له‌‌و باوه‌‌ره‌‌دام زیانێکى زۆر به‌‌ میراتى سه‌‌رۆکایه‌‌تى ئه‌‌و ده‌‌گه‌‌یه‌‌نێت و مه‌‌ترسیشى بۆ سه‌‌ر ده‌‌وڵه‌‌تى ئیسرائیل هه‌‌یه‌‌. ته‌‌نیا ده‌‌رمانێک که‌‌ عه‌‌ره‌‌به‌‌کان له‌‌ کۆتایدا ده‌‌وڵه‌‌تێکى تریان هه‌‌بێت، ئاشتییه‌‌ له‌‌ جیهاندا.
له‌‌لایه‌‌کى تر، له‌‌پاش رووخانى سه‌‌دام حوسێن، کورد رۆلێکى گه‌‌وره‌‌ى سیاسى و ئابووریان پێشانداوه‌‌ و جیاوازییه‌‌کى زۆرى هه‌‌یه‌‌ له‌‌گه‌‌ل غه‌‌زه‌‌ که‌‌ عه‌‌ره‌‌به‌‌کان به‌‌ته‌‌واوى کۆنترۆڵیان به‌‌سه‌‌ر ئه‌‌و ناوچه‌‌یه‌‌دا هه‌‌یه‌‌ و نه‌‌ بینا نه‌‌ ، نه‌‌خۆشخانه‌‌، قوتابخانه‌‌ى لێیه‌‌.

تاقپکردنه‌‌وه‌‌ى کورد له‌‌و ماوه‌‌ که‌‌مه‌‌ى نیمچه‌‌ سه‌‌ربه‌‌خۆییه‌‌دا، پێشانى داوه‌‌ که‌‌ کوردستان کۆمه‌‌ڵگایه‌‌کى خۆشه‌‌ویسته‌‌ له‌‌ جیهاندا، ژن و پیاو به‌‌یه‌‌که‌‌وه‌‌ چێژ له‌‌ ئازادى کوردستان ده‌‌بینن که‌‌ ئه‌‌مه‌‌ له‌‌ جیهانى عه‌‌ره‌‌به‌‌کاندا نابینرێت.
سه‌‌رۆک بۆش، تۆنى بلێر، ئه‌‌نجێلا مێرکێل و نیکۆلاس ساراکۆزى و هه‌‌موو سه‌‌رکرده‌‌کانى جیهانى ئازاد ده‌‌بآ سه‌‌یرى کوردستان بکه‌‌ن و ئه‌‌و نه‌‌وته‌‌ زۆره‌‌ى بنێنه‌‌ لاوه‌‌، ده‌‌وڵه‌‌تێکى نوى ده‌‌بى له‌‌ رۆژهه‌‌ڵاتى ناوه‌‌راست بنیادبنرێت.
له‌‌راستیدا ده‌‌وڵه‌‌تى عه‌‌ره‌‌بى فه‌‌له‌‌ستینى، یه‌‌کسه‌‌ر ده‌‌بێته‌‌ به‌‌هه‌‌شتێک بۆ تیرۆریزم ، وڵاتێکى نادیموکرات.
فه‌‌له‌‌ستینیه‌‌کان به‌‌هۆى ئه‌‌و ویسته‌‌ خراپه‌‌ى که‌‌ دژ به‌‌ ئیسرائیل و جووله‌‌که‌‌ هه‌‌یانه
به‌‌شێوه‌‌یه‌‌کى روون و ئاشکرا ئه‌‌وه‌‌ کورده‌‌ که‌‌ شایانى ده‌‌وڵه‌‌ته‌‌، ‌‌ .کورد و جووله‌‌که ‌‌، ده‌‌بنه‌‌ نموونه‌‌ى ده‌‌وڵه‌‌تێکى باش و داهاتوویه‌‌کى روونیان ده‌‌بێت.
سه‌‌رچاوه‌‌: infoisrael.

برایەتى کورد و عەرەب زۆر بە هێزە مێژوو شاهیدە
هەرمان خالید

برایەتى ئەو هەست و سۆزەیە کە دوو کەس یان زیاتر بەیەک دەبەستێتەوە، هەردوولاش هەوڵ دەدەن زیاتر سوود بەیەکتر بگەیەنن، گەلى کوردیش بە هۆى مرۆڤ دۆستى و خانەدانى خۆى هەر کەسێک بناسێت دەیکاتە براو خاوەن ماڵى خۆى و پەیمانى برایەتى لەگەڵ دەبەستێت ( هەڵبەت پەیمانى یەکلایەنە)، ئەگەر چاوێک بە مێژووى دوور و نزیکى کورددا بخشێنین، ئەو کات ئەو برایەتیە بەهێزەى کورد دەبینین بە تایبەتى لەگەڵ ( براى عەرەبى چاوڕەشم، تاڵ بوو بە شت تالڕ بوو بە بەشم). نمونەى بەهێزى ئەو برایەتیەى کورد لەگەلڕ عەرەبدا گەلێک زۆرن، وەک
* ئەوبرا عەرەبەى دێتە کوردستان گەورەترین ڕێزى لێدەگیرێت لە بەرامبەردا لەتە براکەى تر دەچێتە بەغداد سەرى دەبرن.
* برا کوردەکە دەیان تەن داو و دەرمان بۆ برا عەرەبەکەى دەنێرێت، ئەویش وەک سوپاسێک بارهەڵگرێکى پڕ لە چەک و تەقەمەنى بۆ دەنێرێت.
* برا کوردەکە (مشعان جبورى) بە پارەى براى کوردى خۆى دەوڵەمەند دەکات و دەیکاتە ناوێکى دیار، ئەویش زۆر بەئاسانى دەڵێت دژى گەڕانەوەى کەرکوکم بۆ سەر هەرێمى کوردستان.
* برا عەرەبەکە گۆڕێکى بە کۆمەلڕ بۆ برا کوردەکانى لە بیابان درووست دەکات، برا کوردەکەش باشترین و جوانترین خانووى خۆى دەبەخشێتە برا عەزیزەکەى.
* برا عەرەبەکە بە جلى سەربازى دەهاتە کوردستان و دار و بەرد و هەموویانى دەکوشت ، برا کوردەکەش بە جلى سەربازى دەچێتە مەنجەنیقەکەى ئەوان و پارێزگارى لەو منداڵە دەکات کە لە داهاتوودا لە شارێکى کوردستاندا خۆى دەتەقێنێتەوە.
* برا عەرەبەکە گوندەکانى کوردستنى وێران کرد و خاپورى کرد، برا کوردەکەش عێراقە کاول بووەکەى ئەوان ئاوەدان دەکاتەوە.
* برا عەرەبەکە کوردى خۆ فرۆش و جاشى دەنا بە گژ کوردى دڵسۆز و شۆڕشگێڕ، بەمەش هەردوولاى لە ناودەبرد، برا کوردەکەش چونکە نمەک حەڵاڵە برا سونەو شیعەکان یەکدەخاتەوە و یەکێتى نیشتیمانى عێراقى دروستدەکات.
* برا عەرەبەکە هەرچى لەش فرۆش و سۆزانى بەغدایە دەینێرێتە کوردستان، برا کوردەکەش سەدان کەسایەتى سیاسى و سەرکردەى کورد دەنێرێتە بەغداد.
* برا کوردەکە شەقامێکى شار بە ناوى ( شەقامى براى براى سەرکردە موعەمەر قەزافى) و شەقامى ( حەکیم) دەکات، برا عەرەبەکەش ژوورێکى ئینفرادى بەندیخانەى ئەبوو غرێب دەکات بە ناوى برا کوردەکەى.
* برا عەرەبەکە ژیان لە 182 هەزار براى کورد دەسەنێتەوە، برا کوردەکەش ماتەم بار دەبێت بە مردنى برا عەرەبە پێپەتیەکەى.
* برا کوردەکە لە وڵاتى بەفر و جوانیدا دەچێتە حوشترستان و خۆى بۆ برا عەرەبە فەڵستینیەکەى بە کوشتن دەدات، برا فەڵستینیەکەش سوکایەتى بە شەرەفى کور(پێشمەرگە) دەکات.
* برا کوردەکە شانازى بە عێراقى نوێ دەکات، برا چاو ڕەشەکەش بە کوردستان دەڵێت (شیمالى) عێراق).
* برا عەرەبەکە دەڵێت نەوتى خۆم بۆ خۆم و نەوتى زاخۆ و کەرکوکێش دەخۆم، برا کوردەکەش کۆمپانیایەکى ئیماراتى دێنێتە کوردستان و بەشێک لە داهاتى بیرە نەوتەکانى دەداتێ.
* برا کوردەکە نەى دەوێرا تەنانەت لە دڵى خۆیشیدا ناوى پێشمەرگە بهێنێ، برا عەرەبەکەش لەکەرکوکى کوردان بە ئاشکرا ڕێپێوان بۆ پشتگیرى لە دیکتاتۆرەکەى عۆجە ساز دەکات.
* کە برا کوردەکە پێشمەرگە بریندار دەبوو لە ترسى برا عەرەبەکەى دوور لە چاودێرى دکتۆر چاوەڕێى مەرگى دەکرد ، هەر ئەو برا کوردە نەخۆشخانەکانى حۆى دەخاتە سەر پشت بۆ دکتۆرەکانى دەست لەسەر سنگ ڕادەوەستێنێ بۆ برا عەرەبە بریندارەکەى.
* برا عەرەبەکە گۆڕى بۆ زمانى برا کوردەکەى هەڵدەکەند،برا کوردەکەش لە هەموو فەرمانگەیەک تابلۆیەکى بە عەرەبى هەڵواسیوە .
* برا عەرەبەکە هێزە کوردیەکانى بە (مخرب) دادەنا، برا کوردەکەش هێزە عەرەبیەکان بە نیشتیمان پەروەر دەزانێ.
* برا عەرەبەکە سەرۆک جاشەکانى بە (مستەشار) دادەنا، برا کوردەکەش مستەشارەکانى بە کەسایەتى دیار و ناسراوى گەلەکەمان دادەنێ.
* برا کوردەکە دەچێتە عەرەبستان پێشتر خۆى فێرى عەرەبى دەکات، برا عەرەبەکەش هیچ نرخێک بۆ زمانى برا کوردەکەى دانانێت.
* برا کوردەکە ناوێرێ بە جلى کوردیەوە بچێتە عەرەبستان، برا عەرەبەکەش بە دیسداشەو عەگاڵەوە لە بازاڕەکانى کوردستاندا دەسوڕێتەوە.
* برا عەرەبەکەى نەیدەهێشت برا کوردەکەى گوێ لە گۆرانیەکانى شڤان پەروەر بگرێت، برا کوردەکەش لە کوردستان کۆنسێرت بۆ ( قاسم سوڵتان) ساز دەکات.
* برا کوردەکە دەیەوێت بچێتە سەیرانگایەکى کوردستان، لە بەر برا حوشترەکان شوێن نیە دابنیشێ و توڕە دەبێت، برا عەرەبەکەش پێى دەڵێت ( احنا عراقیین کلنا اخوان، عاش الاخوە بین العرب و الکورد، عاش العراق الموحد).
ئەمانە دەیان نمونەى ترى زیندو لە سەر برایەتى کورد و عەرەب کە ماوە نیە باسى هەموویان بکەین، لە کۆتایدا دەڵێم ( برایەتى کورد و عەرەب زۆر کۆنە مێژو شاهیدە، من و تۆى ناحەز با لە داخدا سەرى خۆمان داخەین و یەخەى خۆمان دادڕین).

بەراورد کاریەک لە نێوان کورد و ئیسرائیلدا؟؟
فواد سعید

من زۆر دەمێکە دەزانم کە کورد دەستى لە هەموو مافەکانى خۆى هەڵگرتووە، ئەمەش هەر قسەى من نیە مێژووش ئەمە دەسەلمێنێت…
ئەگەر سەیرى ڕابردووى خۆمان بکەین کە لە ساڵانى جەنگى جیهانى یەکەم تا ئێستا کورد وەکو نەتەوەیەکى 30 ملێونى چى بەدەست هێناوە؟؟ وە ئەگەر سەیرى ووڵاتانى دراوسێ بکەین یان ووڵاتانى ئەفریقى کە هەتا ئێستاش زۆربەیان پۆشاک لەبەر ناکەن زۆر لە ئێمە زیاتریان بەدەست هێناوە، سەیرى دەکەین ئێمە هەر لە جێى خۆماندا لەناو قوڕاوى خۆ خۆرى گێژەلڕ دەخۆین، هەموو ئەو ووڵاتانەى بوونەتە خاوەن ووڵات و ئاڵا و دەسەڵات و مافى چارە نووس . بەڵام تەنها ئێەى کورد لە دواى دواوە تازە لەسەر ماڵپەڕى ئەلکترۆنى شەڕە جنێو دەکەین..!! زۆر بە داخەوە بۆ ئەو هەموو شەهیدانەى کە گیانیان بەخت کرد بۆ کوردستان و بۆ ڕزگارى گەلەکەیان .. بەڕاستى جێگەى داخە گەلێکى وەکو گەلى کورد ئەمەندە زوڵمى لێکراوە، بەلڵام لەگەلڕ ئەوەشدا بە هەموو مەرجێکى بێگانە ڕازیە، ئامادە نیە هیچ ڕۆحێکى لێبوردنى هەبیت بەرامبەر بە هاوزمانەکەى یان پارتەکەى، بەڵام ئامادەیە هەمیشە دواى کوشتارێکى زۆر لە لایەن دوژمن دەست بخاتە ناو دەستى و هەروا بزانێت کە هیچ لڕووى نەداوە .. هەروا بزانێت کە مێژوو درۆ و ئەفسانەیە.

ئەگەر بێت وئێمە بەراوردکارى بکەین لە بەینى کوردستان ئیسرائیل چى ڕوودەدات؟ هەمیشە کارى کردووە بۆ ڕازى کردنى بێگانە و بەرژەوەندى تاکەکەسى ماددى یان سیاسى، ئیسرائیل هەمیشە کارى کردووە بۆ پاراستنى خاکى ئیسرائیل بە گشتى بۆ گەلى ئیسرائیل. کورد هەمیشە بە پارە کڕراوە لە لایەن بیچگانە یان ووڵاتانى هاوسى؟َ بۆ مافى تاکەکەسى و ئیشى سیخوڕى، ئیسرائیل هەمیشە بێکانەى کڕیوە بر پاراستنى خاکى ئیسرائیل. کورد هەمیشە کە دەسەڵاتى هەبێت دەیەوێت نیشانى بدات کە ئازادى خوازە، ئیسرائیل دەسەڵاتى هەبێت دوژمنەکەى لە ناو ماڵى خۆى دەکوژیت ، کورد دەڵێت باوەڕمان بە تۆڵە نیە، هەرچەندە دوژمن بە خوێنى سەرمان تینوە و لە ناو خاکى خۆمان تیرۆرمان ئەکات، ئیسرائیل دەڵێت هەرکەس دەستى هەبێت لە کوشتنى جولەکەیەکدا دەبیت سزاکەى بدات هەرچەندە لە ووڵاتى خۆیان سزاى لە سێدارەدان نیە.

کورد ئیستا ئامادەیە بۆ پارە و دەسەڵات ئەوەشى بەدەست هاتووە لە دەستى بدات، ئیسرائیل ئامادەیە هەموو پارەى جولەکە مەسرەف بکات بۆ پارێزگارى کردن لە ووڵاتەکەیان. کورد ڕێ لە جاش و خۆ فرۆش ناگرێت و سزایان نادات ئەگەرچى یاریدەدەرى بەعس بوون بۆ ئەنفال. ئەمە چەند نمونەیەکى سادە بون کە ناوم برد، بەڵام ئەگەر ئێمە بێین سەیرێکى مێژوو بکەین وە پێیدا بچینەوە چى دەبینین؟ دووبارە بوونەوەى هەڵەکان کە لە مێژووى نەتەوەکەماندا ڕوى داوە لاى من مێژوو مانى دەرس وەرگرتنە لە هەڵەى باو و باپیرانمان، بەڵام دیارە ئێمە تا دەستمان نەسوتێت باوەڕ بە گەرمى ئاگر ناکەین…

لە سەرەتاى دروست بوونى ئیسرائیل لە دواى جەنگى جیهانى دووەم بە زووترین کات هەولێاندا هەموو جوولەکە بەهەر نرخێک بێت بهێنن بۆ ووڵاتە ساواکەیانن وە ئەوەشى کە خۆى نەدەهات دەیتوانى بە پارە یارمەتى ئەو ووڵاتە ساوایەى ئیسرائیل بدات بۆ درووستکردنى ئەو ووڵاتەى کە ئیمرۆ بە هەموو ووڵاتانى عەرەب ناتوانن هیچ فزەیەک بکەن لە ئاستیدا.. زۆر کەس دەڵێن کیشەى کورد و کێشەى فەڵەستینى یەکێکە، ئەمەش بوختانە ڕاستى مەسەلەکە ئەوەیە، کاتێک کە ئیسرائیل دروست بوو جوولەکەکان دەستیان کرد بە کڕینى خانوو و بەرە و فەڵەستینى کەوتنە فرۆشتنى خانووبەرە، چونکە جولەکە زۆر پارەى زیاترى دەدا بۆ کڕینى لەو نرخەى کە عەرەب دەیدا بۆ کڕینى خانویەک لەو سەردەمەدا.. کەواتە جوولەکە خاوەنى ئیسرائیلە بە شەرعى نەک وەک ئەوەى کە عەرەب دەڵێت داگیر کراوە، بەڵام کورد ووڵاتەکەى لێزەوت کراوە لە لایەن تورک و عەرەب و فارسەوە، ئەمەش دوو کێشەى یەکسان نین بە ڕاى من و بە ڕاى هەمو کەسێکى ڕووناکبیر. ئێمەى کورد ئێستا دەتوانین چەند کەسێک لە تاوانبارانى دژ بە نەتەوەى کورد بدەینە دادگا وە مافەى خۆمانى لێداوا بکەین و تۆڵەى گیانى شەهیدان بکەینەوە، بەڵام بە داخەوە خەڵکانێک هەن ئێستا دژى ئەوەن کە تاوانباران لە کوردستان لە سێدارە بدرێن…

ئیسرائیل بۆ یەک سەربازى خۆى چەندین لوبنانى کوشت زیاتر لە 80000 کەس بێ ماڵ و خانوو بوون تا بتوانیت نیشانى دوژمنى بدات کە کەس ناتوانێت زەفەرى پێ بەرێت ، وە گیانى سەربازیک زۆر نرخى زیاترە لە ڤیانى هەزاران عەرەب، کورد ئەنفل دەکرێت و دەیەوێت لە دوژمنەکانى ببورێت و عەلى کیمیاوى نەهێننە کوردستان بۆ هەڵواسین ، ئیسرائیل بۆ بکوژانى یارى چیە ئیسرائیلیەکە لە ئەڵمانیا 7ملیون دۆلارى دا بۆ تۆڵە سەندنەوە،هەموو ئەو کەسانەى کوشتەوە کە دەستیان هەبوو لەو کارە تیرۆرستیەدا،ئێمە ئیستا دوژمنى گەلەکەمان دینە بەردەستمان بە پیپان دەلیین نامانەوێت ئێمە ڕزگارى خوازین و پیاو کوژ نین، ئەمە بەڕاى من ئەوە ناگەنیت کە زیرەک و سیاسى و بە توانا بین، بەڵکو تەنها ئەوە دەگەیەنێت کە هێشتا زۆر جاهیلین و چاک و خراپ لێک جیا ناکەینەوە و ڕاست و چەپى خۆمان نازانین .. لەبەر پارە کەس ئاگاى لەکەس نەماوە، بۆیە هەر لە سەرەتاى نوسینەکەمدا داخم هەڵکێشا بۆ شەهیدان.

ئەمریکا و ئیسرائیل بۆ دوژمنانى خۆیان ملیونەها دۆلار سەرف دەکەن، لە واشنتۆن دەچن بۆ تۆرا بۆرا و بۆ هەورامان، لە ئیسرائیل بۆ بەیروت و بەرلینى غەربى و ئەرجەنتین، تورکیا دەچێت ئاپۆ دەفڕینێت لە کیشوەرى ئەفریقا، بەعس چوو بۆ نەمسا بۆ تیرۆر کۆدنى کاک مەسعود بارزانى ئێمەش عەلى کیمیاوییمان بۆ دێَنن بۆ هەڵواسین کەچى خەڵکانێک هەن دژى ئەمەن، زۆر سەرم سوڕماوە لە عەقڵى کورد، پێش ئەەى بلێن عەلى کیمیاوى دێنن بۆ هەڵەبجە هەموو داواکارى خەڵک ئەوە بوو عەلى کیمیاوى بهێنن بۆ هەڵواسین بۆ هەڵەبجە یان یەک دانیشتنى دادگایى لە هەڵەبجە بکرێت، ئێستا ئەوان دەڵێن بیبەن هەڵواسن کەچى نایانەوێت وا دەزانن هەڵواسین بە کارەبا دەکرێت وە کارەبا کەمە لە کوردستان…

کەمێکیش لامدا لە نوسینەکەم، بەلام بەهەرحالڕ من زۆر دڵم ژان دەکات بۆ ئەو گەلە کەوا هەڵسوکەوت دەکەن لەگەلڕ ناحەزانمان، ئایا چۆن بتوانین وەڵامى دایکى شەهیدان بدەینەوە ، چۆن بتوانین وەڵامى مێژوو بدەینەوە.. تورکیا بە ساغى داوامان دەکات بۆ هەڵواسین عێراق بە کیمیاوى ئێران بە تیرۆر لە ناو خاکى کوردستانى عێراق.. سوریا بە عەرەبى هاوردە، ئێمەش دلمان گەورەیە و مافى مرۆڤمان لایە و نامانەوێت دوژمنە سەرسەختەکانمان لاى ئێمە هەڵواسن… خۆزگە دەمزانى چى دەوێت بێجگە لە پارە و ئەرزە؟؟ هیوادارم بە خۆماندا بچینەوە و بتوانین وانە لە ڕابردوو وەربگرین وە ڕەفتارى پێوە بکەین و هەڵەکانمان ڕاست بکەینەوە..  لەگەڵ ڕێزمدا بۆ خوێنەران.
———-
بابەتی لاپەڕە سێی ژمارە ٢٨ کانوونی دووه‌م ٢٠٠٨

Entry filed under: Uncategorized. Tags: .

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s

Trackback this post  |  Subscribe to the comments via RSS Feed


گاه‌شمار

اوت 2009
M T W T F S S
     
 12
3456789
10111213141516
17181920212223
24252627282930
31  

Most Recent Posts


%d وب‌نوشت‌نویس این را دوست دارند: